Платформын дүрэм юунд тулгуурласан бэ

Мал бэлчээртээ байхад аккредитацитай үнэлгээчин үнэлж, стандарт анкет + видео байршуулна. Худалдан авагч малыг үзэлгүй санал өгнө. Алслагдсан сумдад тохиромжтой.

Жинхэнэ зах, хорооны талбайд камер тавьж, танхимын болон онлайн санал зэрэг явна. Төвийн зах, аймгийн төвд.

Намрын мах бэлтгэлд үйлдвэр 2–4 сарын өмнө тодорхой жин, тоо, үнээр захиална. Малчин төлөвлөх боломжтой болно.

Үнэлгээт лот — гуравдагч талын үнэлгээчний дүгнэлттэй, худалдан авагчийн хамгаалалт үйлчилнэ. Тодорхойлолтот лот — малчны өгсөн мэдээллээр, «байгаагаар нь» зарагдана, хамгаалалт бараг байхгүй. Хоёрыг эхнээсээ тод ялгана.

Түвшин 3 (шинэ) → 2 → 1. Шинэ үнэлгээчин төрөл тус бүрд 8 зэрэгцээ үнэлгээ хийж, түвшин 1-ийн үнэлгээчнээр батлуулна. Түвшин 1 болоход 4 жил + 60 үнэлгээ.

Жилийн доод квот биелүүлээгүй, эсвэл худалдан авагчийн 12 сарын дундаж оноо унасан бол түвшин буурна. Кодоо бусдад ашиглуулбал шууд 6 сар түдгэлзүүлнэ.

Ээмэгний код, үүлдэр, хүйс, нас (шүд), амьд жин (өлсгөлөнгийн цагтай хамт), тарга хүч, зан ааш, эмчилгээ ба эмийн хоригийн хугацаа, бэлчээр, мал эмнэлгийн гэрчилгээ, бүсийн өвчний төлөв.

Тэг хүлцэл — үүлдэр, цусны удам, нас. 10% хүлцэл — хүйс, эвэр. 80/10 дүрэм — нийлүүлсэн малын 80% нь үнэлсэн ангилалд байх ёстой, 10%-иас илүүгүй нь хөрш ангилалд орж болно (тарга хүч, шүд, зан ааш). «Нэгэн жигд» гэж үнэлсэн лотод хүлцэл огт байхгүй.

Бод мал ±3%, бог мал ±5%.

Худалдан авагч хүлээж авснаас 48 цагийн дотор мэдэгдэнэ. Дахин жинлэлт 7 дахь хоногт, тэжээл, устай саравчинд байрлуулсны дараа, гуравдагч этгээд байлцан хийгдэнэ.

Залруулга = P × (W_үнэлсэн − W_хүргэсэн)

P = кг-ийн зарагдсан үнэ. Хүргэсэн жинг үнэлгээтэй ижил өлсгөлөнгийн цагт (curfew) шилжүүлж харьцуулна.

Малын 5%-иас илүү нь зарласан жингийн мужаас 10%-иас илүү хазайсан тохиолдолд худалдан авагч лотоос татгалзаж болно.

Сүүлийн 30 секундэд санал ирвэл тоолуур 30 секунд болж дахин эхэлнэ. Нийт сунгалт 30 минутаар хязгаарлагдана.

Худалдан авагч дээд хязгаараа өгвөл систем түүний өмнөөс алхам алхмаар нэмнэ. Дүнг бусад оролцогч харахгүй — сервер зөвхөн эзэнд нь илгээнэ.

Үнэ өсөх тусам алхам томорно. Амьд мал: 5,000₮/кг хүртэл 20₮, 15,000₮ хүртэл 50₮, дараа нь 100₮. Ноолуур: 100,000₮ хүртэл 500₮, дараа нь 1,000₮.

Санал өгөх эрх = батлагдсан хязгаар − одоо тэргүүлж буй бүх лотын дүн. Шинэ худалдан авагч хүсэх хязгаарынхаа 20–25%-тай тэнцэх буцаагдах дэнчин тавина.

Нэг зарагчид төвлөрсөн санал өгөгч, өндөр давтамжтай ч ялдаггүй данс, хаалтын өмнөх татгалзал, IP/төхөөрөмжийн давхцлыг бодит цагт оноолж, сэжигтэй лотыг түр зогсооно.

Санал бүр серверийн дугаартай (bid_seq), өмнөх бичлэгийн хэштэй холбогдож бүртгэгдэнэ. Буцаж засах боломжгүй.

Комисс биш, толгой тутмын шатлалт хураамж: бод мал 1–200 толгой 9,000₮, 201–400 8,600₮, 401+ 8,100₮; бог мал 1,200₮ → 1,000₮. Ноолуур 1.5%, мах 1.0%.

Нийт дүнгийн 20% нь мал хүргэгдэж, ээмэг шилжиж, хүлээн авалт баталгаажих хүртэл тусгай дансанд барина. Үлдсэн 80% нь хэлцэл хаагдсаны маргааш малчинд очно.

Нэг төлбөрөөс малчин, үйлдвэр, тээвэрлэгч, платформ дөрвүүлээ автоматаар авна. Техникийн хувьд «тусад нь төлөлт ба шилжүүлэг» загвар шаардлагатай — энгийн маркетплэйсийн загвар 2-оос дээш хүлээн авагчид ажиллахгүй.

Мах бэлтгүүлэх сонголтод: урьдчилсан төлбөр = амьд жин × батлагдсан гарц. Нядалгааны дараа 24 цагийн дотор бодит гулуузны жингээр залруулна.

Амьд мал: хэлцэл хаагдсанаас T+3 хоног. Ноолуур: T+13 хоног, төлбөр орсны дараа л агуулахын олгох тушаал цахимаар гарна.

Гулуузны жин (халуун стандарт) · шүдний тоо (нас) · өөхний зузаан (12-р хавирганы дээр, дундаж шугамаас 11 см) · pH24 · махны өнгө. Энэ таван үзүүлэлт нь Австралийн AUS-MEAT-ын цөмтэй ижил бөгөөд Монголд хэрэгжих боломжтой.

L1 — дотоодын зөвшөөрөл + HACCP. L2 — ISO 22000 / FSSC 22000 + Халал. L3 — ЕХ / Хятадын экспортын бүртгэлтэй. Түвшин нь платформ дээр ил харагдаж, үнийн зөрүү үүсгэнэ.

Гулууз ≤7°C, дотор эрхтэн ≤3°C хүрсний дараа л «ачилтад бэлэн» төлөв нээгдэнэ. pH-ийн уналт 24 цагт 5.4–5.8 хүрэх ёстой; 5.8-аас дээш бол гэмтэлтэй (DFD) гэж тэмдэглэнэ.

Хөргөсөн мах −1.5…+2°C, хөлдөөсөн −18°C-аас хүйтэн. Температурын логгергүй тээвэрлэгч платформд оролцохгүй. Лог 5 минут тутам, хэтрэлт гарвал шууд дохиолол.

Вакуум савлагаатай хонины мах −0.5°C-т 90 хоног хүртэл. Температур +1°C нэмэгдэх бүрд үлдсэн хугацаа ~30% богиносно — систем бодит логоос «үлдсэн хоног»-ийг тооцоолж харуулна.

Гинж: ээмэгний код → аукционы лот ID → нядалгааны дугаар → GS1-128 хайрцгийн код → тээврийн нэгжийн дугаар. Хэрэглэгч нэг код уншуулж бүх замналыг харна.

Гэрчилгээгүйгээр бид өгдөг систем дэлхийд байхгүй. Ноолуурын гэрчилгээ 6 үзүүлэлт: дундаж голч (мкм), голчийн хэлбэлзэл CV%, 30 микроноос бүдүүн ширхгийн хувь, самналтын гарц %, ширхэгийн урт (мм), өнгө.

14.0 / 14.5 / 15.0 / 15.5 / 16.0 / 16.5+ микроноор өдөр бүр хаалтын үнэ нийтэлнэ. Энэ бол төслийн бүх утга учир — чанарын дохиог малчин хүртэл хүргэх цорын ганц зам.

Үнийг 17% чийгийн сэргэлтэд шилжүүлсэн, цэвэр самнасан килограммаар зарлана — түүхий жингээр биш. Гарц муутай ноолуурыг сайнтай хольж зардаг явдлыг таслах арга.

Ноолуур = дундаж голч ≤19.0 мкм, CV ≤24%, 30 микроноос бүдүүн ширхэг ≤3%. Эдгээрийг хангаагүй бол «ямааны ноос» гэж ангилагдана.

Малчин агуулахад тушаана → цөм дээж авна → лаборатори гэрчилгээ өгнө → агуулахын баримт гарна → баримт нь арилжаалагдаж, банкны барьцаа болно.

Гэрчилгээний үр дүнд маргавал лацдсан нөөц дээжийг өөр лицензтэй лабораторид дахин шинжлүүлнэ. Дээжийг 6 сар хадгална.

Доголсон, туранхай, сүүлийн үеийн хээлтэй, нүд/эвэр гэмтэлтэй мал ачихыг хориглоно. Чеклистийг ачилтын өмнө платформ дээр бөглөж, зурган нотолгоо хавсаргана.

Уснаас тасрах дээд хугацаа 48 цаг; дараа нь дараагийн аялал эхлэхээс өмнө ≥36 цаг ус, тэжээл, хэвтэх зайтай амралт. Систем маршрутыг зурахдаа амралтын цэгийг автоматаар оруулна.

Ачих цаг, GPS цэгүүд, зогсоол, температур, хорогдол, буулгах цаг — бүгд бүртгэгдэж, хүлээлцэх бүрд гарын үсэг + гео-тэмдэгтэй зураг үлдэнэ.

Мал тээврийн хэрэгсэлд ачигдах мөчид эрсдэл худалдан авагчид шилжинэ. Замын даатгалыг худалдан авагч хийнэ — платформ даатгалын саналыг тэр мөчид санал болгоно.

Малчин, малчдын хоршоо, мал бүхий этгээдийн борлуулсан таван хошуу мал, анхан шатны боловсруулалтад ороогүй мах, сүү, арьс шир, ноолуур, ноос нь НӨАТ-аас чөлөөлөгдөнө. Баримтад VAT_FREE тавигдана. Гэхдээ платформын комисс НӨАТ-тай, боловсруулсан махан бүтээгдэхүүн ч мөн адил.

Хэлцэл хаагдмагц POS API-аар баримт үүсч, 33 оронтой ДДТД болон QR буцна. Байгууллагад B2B_RECEIPT (ТТД заавал), хувь хүнд B2C_RECEIPT.

Малчны мал борлуулсан орлогын татварын чөлөөлөлт 2020 оноос хүчингүй болсон. Систем хэлцэл тус бүрийн орлогыг бүртгэж тайланд бэлдэнэ. Суутган тооцох эсэх, хэн тайлагнахыг Татварын ерөнхий газраас албан бичгээр тодруулах шаардлагатай.

Мал, түүхий эдийг сум, дүүргийн нутгаас гаргах бүрд заавал. Амьд малын гэрчилгээ 30 хоног хүртэл хүчинтэй; гэрчилгээнд гарах цэг, хяналтын пост, маршрут зааж өгдөг. Платформын урсгалд эдгээр нь заавал бөглөх талбар.

Мөнгийг платформ өөрөө дансандаа барих нь Үндэсний төлбөрийн системийн тухай хуулийн дагуу Монголбанкны зөвшөөрөл шаардаж болзошгүй. Сонгосон зам: платформ мөнгө хадгалахгүй — банк, төлбөрийн байгууллагатай түншилж, тэдний зөвшөөрөл дор тусгай данс ажиллуулна.

Монголд цахим худалдааны тусгай хууль, дуудлага худалдааны бие даасан хууль байхгүй тул платформын дүрэм нь гэрээгээр хүчин төгөлдөр болно. Гурван талын гэрээг тоон гарын үсгээр баталгаажуулна — тоон гарын үсэг нь цаасан гарын үсэгтэй адил хүчинтэй.

Австралийн ноосны салбар «WoolQ» гэсэн бүрэн портал барихад 8–12 сая ам.доллар зарцуулаад худалдааны модулиа хаасан. Шалтгаан: салбар өөрөө хүсээгүй. Бид эхлээд нэг аймаг, нэг төрөл дээр ажиллуулж, дараа нь тэлнэ.

Ирландын LSL онлайн санал өгөхөд жилийн хураамж тогтоох гэж оролдоод эсэргүүцлийн улмаас буцаасан. Худалдан авагчийн тоо = ханшийн чанар.

AuctionsPlus Wool амжилттай болсон шалтгаан нь аукционыг орлоогүй, түүн дээр давхарласанд оршино. Бид ч мөн адил — одоогийн хоршоо, бэлтгэн нийлүүлэгчийг өрсөлдөгч биш, суваг болгоно.

Платформ өөрөө худалдаанд оролцож, лот худалдан авахгүй. Дүрмийг зохицуулагч зөвлөл — 4 худалдан авагч + 4 худалдагчийн тэнцүү бүрэлдэхүүнтэй — тогтооно.